П'яны акрабат скакаў у Менску па іншамарках
30- 6.05.2011, 15:03
У маладога чалавека званне кандыдата ў майстры спорту.
На 19-гадовага непрацуючага хлопца завялі крымінальную справу за хуліганства.
Добра адпачыўшы ў кампаніі сяброў, малады чалавек з таварышам вяртаўся дадому. А на вуліцы Шаранговіча запрыкмеціў дваровую аўтастаянку.
Будучы кандыдатам у майстры спорту па акрабатыцы, хлопец вырашыў зладзіць майстар-клас.
Спачатку ён ускочыў на капот «Мазды», пасля на ейны дах, потым, адштурхнуўшыся, стаў пераскокваць на дахі стаялых побач аўтамашын «Опель-Зафіра», «Вольва», «Рэно-Лагуна», перадае БелаПАН.
Некалькі разоў хлопец зрываўся і падаў на асфальт, але зноў падымаўся і ускокваў на машыны. У выніку былі пашкоджаныя чатыры іншамаркі. Ужо падлічана, што іхнім уладальнікам нанесены ўрон больш чым на 8,5 млн. рублёў.