Кіраўнік падпаддзялення «Нафтана» здаў КДБ расейскага бізнесмена
39- 25.08.2011, 9:58
Кіраўнік аднаго з падпаддзяленняў ААТ «Нафтан» адмовіўся ад хабару ў $ 40 тыс. і дапамог затрымаць расейца-хабарадавальніка.
Аб гэтым паведаміў БелТА старэйшы памочнік пракурора вобласці па наглядзе за выкананнем заканадаўства аб дзяржаўнай бяспецы пракуратуры Віцебскай вобласці Уладзімір Белавус.
Кіраўнік адной з камерцыйных фірмаў з Растоўскай вобласці спрабаваў набыць у ААТ «Нафтан» па заніжаным кошце, без тэндэру, чатыры спісаныя халадзільныя ўстаноўкі, у якіх утрымліваліся медныя сплавы. За кожную ўстаноўку ён прапаноўваў па $ 10 тыс. настойлівыя і неаднаразовыя просьбы расейскага бізнэесмена аб садзейнічанні, нягледзячы на катэгарычную адмову, вымусілі кіраўніка ўпраўлення завода звярнуцца ў органы дзяржаўнай бяспекі за дапамогай.
Ужо знаходзячыся пад кантролем супрацоўнікаў падпаддзялення ўпраўлення па Віцебскай вобласці КДБ Беларусі, растаўчанін перадаў нафтанаўцамі ў якасці авансу суму, эквівалентную $ 20 тыс., за ўдалую, на ягоную думку, угоду.
Расеец быў асуджаны прысудам суда Наваполацка па частцы 2 артыкула 431 «Дача хабару» КК РБ і прысуджаны да двух гадоў пазбаўлення волі. Касацыйная інстанцыя прыняла пад увагу прызнанне віны асуджаным, ягонае сямейнае становішча, стан здароўя і замяніла пазбаўленне волі на штраф у памеры Br35 млн. Штраф быў выплачаны, а хабарадавальнік вярнуўся на радзіму.