Галоўнага трэнера лёгкаатлетаў усё ж такі звольняць?
3- 19.10.2012, 15:52
Анатоль Бадуеў быў пазбаўлены волі з канца траўня да пачатку кастрычніка. Пасля вызвалення ён з'явіўся на ранейшай працы.
Нагадаем, ён і ўрач нацыянальнай зборнай Беларусі па лёгкай атлетыцы Павел Дрынеўскі былі затрыманыя супрацоўнікамі Камітэта дзяржаўнай бяспекі. Паводле папярэдняй інфармацыі, трэнера абвінавацілі ў прымушэнні да дачы хабару і ў нямэтавым выкарыстанні спонсарскіх сродкаў.
У пачатку кастрычніка стала вядома, што Бадуеў і Дрынеўскі выйшлі на волю.
Як паведамляе «Прессбол», галоўны трэнер у нацыянальнай каманды па лёгкай атлетыцы будзе іншы, Анатоль Бадуеў пасаду страціць «у сувязі з непадаўжэннем з ім кантракта». Найбольш верагодным яго пераемнікам называюць дзяржаўнага трэнера Аляксандра Трашчылу.