НЗ у аэрапорце: аварыйны самалёт заблакаваў паласу?
97- 28.10.2012, 9:02
(абноўлена) У Нацыянальным аэрапорце «Менск» зрабіў пасадку прыватны аварыйны самалёт.
Як паведамляе чытач charter97.org, у самалёта праблема з шасі.
Вылеты ўсіх рэйсаў з аэрапорта затрыманыя, папярэдне, да 9 раніцы. Аварыйны самалёт стаіць на ўзлётнай паласе і перашкаджае ўзлёту іншых самалётаў. Пасажыры ў чаканні ў зоне вылету, сцвярджае відавочца.
У даведачнай аэрапорта БелаПАН заявілі, што затрымка звязана выключна з неспрыяльнымі метэаўмовамі, якія назіраліся ноччу і раніцай 28 кастрычніка.
«Таму ўсе рэйсы на вылет затрымліваліся. Цяпер вяртаюцца з затрымкай», - адзначылі ў авіякампаніі.