Назіральнікі: Выбары ва Украіне сфальсіфікаваныя ў 35 акругах

У многіх мажарытарных акругах, дзе па дадзеных ЦВК Украіны перамаглі праўладныя кандыдаты, на самой справе лідзіруюць кандыдаты апазіцыі або самавылучэнцы.

Пра гэта сведчаць папярэднія вынікі выбараў, падведзеныя цэнтрам паралельнага падліку грамадскага руху «Спільна справа», заявіў на брыфінгу яго каардынатар Аляксандр Данілюк.

Паводле яго слоў, гаворка ідзе пра цэлыя вобласці, дзе былі скажоныя вынікі волевыяўлення, а менавіта пра Вінніцкую, Валынскую, Хмяльніцкую, Жытомірскую, Палтаўскую, Кіеўскую, Кіраваградскую і Чаркаскую вобласці, перадае «Корреспондент».

Ён таксама адзначыў, што тэхналогіі фальсіфікацыі былі аналагічнымі тым, якія зараз назіраюцца ў шэрагу акругаў Кіева, то ёсць удакладненне акруговымі камісіямі пратаколаў участковых выбарчых камісій.

Але, па яго словах, арганізацыйная слабасць апазіцыйных кандыдатаў і адсутнасць увагі СМІ не дазволіла ім арганізаваць належны кантроль над пералікам і процідзейнічаць падмене дадзеных.

Нагадаем, экс-прэм'ер Украіны Юлія Цімашэнка заявіла, што цяперашнія выбары сталі самымі несумленнымі за ўсю незалежнасць Украіны. На думку экс-прэм'ера, тое, што адбывалася, нельга прызнаць нават выбарамі, паколькі ўся кампанія суправаджалася маштабнымі парушэннямі. У знак пратэсту Цімашэнка абвясціла галадоўку.

Паводле вынікаў ЦВК, Партыя рэгіёнаў разам са сваімі саюзнікамі атрымлівае больш паловы месцаў у Радзе. У пяцёрцы лідэраў таксама «Батькiўшчына», УДАР, КПУ і ВА «Свабода».