Старшынём Звязу палякаў абраны Мечыслаў Яцкевіч
12- 18.11.2012, 15:31
З'езд непрызнанага ўладамі Звязу палякаў адбываецца сёння ў Гародні.
У ім бярэ ўдзел 218 дэлегатаў, піша «Наша Ніва».
Новым старшынём арганізацыі абраны Мечыслаў Яцкевіч, за якога прагаласавала 112 дэлегатаў.
Іншы кандыдат, Анжаліка Арэхва, атрымала 105 галасоў у сваю падтрымку. З розніцай у 7 галасоў Мечыслаў Яцкевіч стаў старшынём арганізацыі. Раней ён быў намеснікам кіраўніка Звязу палякаў Беларусі.
Напачатку галасавання было вылучана сем кандыдатаў, сярод іх - такія вядомыя дзеячы, як Анжаліка Барыс, Тадэвуш Гавін ды іншыя, якія знялі свае кандыдатуры, і ў фінальны тур галасавання выйшлі два кандыдаты.
З'езд таксама абярэ галоўную раду арганізацыі.