Лукашэнка адправіў чыноўнікаў мясіць цэмент
164
17:19, — Палітыка
Дыктатар прыгразіў чыноўнікам забаронай на працаўладкаванне ў камерцыйныя фірмы.
«Я вельмі незадаволены працай урада па мадэрнізацыі дрэваапрацоўчых прадпрыемстваў і раю навесці на старых прадпрыемствах парадак», - заявіў сёння Лукашэнка. - «Я праверу ўсе прадпрыемствы. Тое, што вы правалілі гэтую працу па розных прычынах, больш суб'ектыўных, і мы тройчы, чатыры разы пераносілі тэрміны, - гэта факт. Таму што бардак ў ведамстве (Беллеспаперапраме). Так не працуюць».
«Таму я яшчэ буду думаць, як з вамі ў гэтым плане разбірацца», - прыгразіў ён.
«Тое, што будаўнікі з рук прэч дрэнна працуюць, гэта вы ўжо самі разбярыцеся ва ўрадзе разам з усёй будаўнічай галіной. Мне гэтыя вашы казкі і ўгаворванні абсалютна не патрэбныя. Пачынайце працаваць. І тут будаўнікі правалілі».
«Майце на ўвазе, у мяне на кантролі ўсе пытанні і даручэнні, і я іх за будучы год асабіста пракантралюю. Гэта першая жорсткая размова. Далей я з вамі размаўляць не буду. Прыйшоў, убачыў, што не так, значыць, збірайцеся і адразу куды-небудзь ідзіце. Майце на ўвазе, ні на якую камерцыйную фірму вы не паступіце: будаўнік - пойдзеш мясіць цэмент, паперу ўмееш рабіць - будзеш стаяць у станка», - выліваў гнеў Лукашэнка.
Пачуўшы, што прадпрыемствы 1,5-2 гады выбіралі, у каго купляць абсталяванне, якія выкарыстоўваць тэхналогіі, Лукашэнка заявіў: «Як можа кіраўнік прадпрыемства, міністр працаваць і не ведаць, які завод лепшы ў свеце. Як можна так працаваць?! Вы павінны ведаць усе самае лепшае і перадавое. Гэта проста адгаворкі, казкі. Якія паўтара-два гады. Гэта расхлябанасць і разбоўтанасць».
Напісаць каментар (164)
Экспарт
Новости партнеров
