banner1 banner1 banner1

27.11.2012

Валянцін Стэфановіч: Павел Сяргей можа стаць новым вязнем сумлення 3

12:37, — Палітыка

Валянцін Стэфановіч: Павел Сяргей можа стаць новым вязнем сумлення

Чалавек, які адмаўляецца несці ваенную службу па асабістых перакананнях, не з'яўляецца ўхілістам, упэўнены праваабаронца.

Палітсалдат Павел Сяргей адмовіўся ад прыняцця ваеннай прысягі па рэлігійных перакананнях і за гэта ён можа патрапіць пад крымінальны пераслед. Намеснік кіраўніка праваабарончага цэнтра «Вясна» Валянцін Стэфановіч распавёў сайту charter97.org, што за адмову несці ваенную службу па асабістых перакананнях чалавека нельга прыцягваць да адказнасці, больш за тое, Канстытуцыяй прадугледжана права на альтэрнатыўную службу:

«У выпадках адмовы ад прыняцця прысягі па рэлігійных поглядах чалавек не з'яўляецца ўхілістам. Гэта з'яўляецца выключэннем, паколькі ваенны абавязак не абсалютны, дзяржава павінна забяспечыць магчымасць праходжання альтэрнатыўнай службы для тых, хто не можа выконваць гэты абавязак са зброяй у руках па рэлігійных ці іншых перакананнях».

Па словах праваабаронцы, канстытуцыйнае права на альтэрнатыўную службу ёсць, а практыкі такой службы няма:

«І ў нас гэта старая праблема, у Беларусі да гэтага часу няма закона аб альтэрнатыўнай службе, хоць Канстытуцыя прадугледжвае выкананне ваеннага абавязку ў выглядзе альтэрнатыўнай службы. Канстытуцыйнае права ёсць, а закона, які прадугледжваў бы яго рэалізацыю, няма».

Павел Сяргей можа стаць вязнем сумлення, лічыць Валянцін Стэфановіч. «Калі чалавека асуджаюць з-за яго перакананняў, ён з'яўляецца не проста палітвязнем, а вязнем сумлення», - сказаў праваабаронца.

Служба ў чыгуначных войсках, на якую палітсалдата могуць адправіць з-за адмовы прымаць прысягу, не з'яўляецца альтэрнатыўнай службай адзначыў Валянцін Стэфановіч:

«Ёсць такая практыка, калі людзей, якія адмаўляюцца ад прысягі, накіроўваюць на службу ў чыгуначныя войскі. Напэўна, улады матывуюць гэта тым, што чыгуначныя войскі не звязаныя з нясеннем службы са зброяй у руках. Але гэтыя войскі знаходзяцца ў сістэме міністэрства абароны, гэта ваенная служба, а не альтэрнатыўная. І гэта ўсё роўна войскі, якія тэарэтычна рыхтуюцца ў тым ліку для ваенных дзеянняў».

Людзі, якія з-за асабістых перакананняў адмаўляліся несці службу са зброяй у руках, ужо даўно выкарыстоўваюцца як бясплатная працоўная сіла, падкрэсліў Валянцін Стэфановіч:

«У Савецкім саюзе чыгуначныя войскі, будбат, трубаправодныя войскі і іншыя фактычна былі бясплатнай працоўнай сілай. Сэнс службаў у гэтых родах войскаў складаўся ў тым, што ваенныя павінны былі бясплатна будаваць розныя аб'екты, пракладваць палатно, трубы і гэтак далей. Цяпер чыгуначныя войскі займаюцца рознага роду працамі. Атрымліваецца, што чалавека за яго перакананні накіроўваюць на бясплатныя працы ў рамках міністэрства абароны. А ён мог бы праходзіць альтэрнатыўную службу ў аб'ектах, якія больш за ўсё маюць патрэбу ў такой працоўнай сіле - напрыклад, у шпіталях. У нашых шпіталях не хапае малодшага медыцынскага персаналу, медсясцёр, нянек, а таксама работнікаў у дзіцячых дамах, хоспісах і дамах для састарэлых. Попыт на такую альтэрнатыўную службу быў бы вельмі карысным для грамадства».

Нагадаем, маладафронтавец Павел Сяргей, які заявіў, што адмаўляецца ад прыняцця ваеннай прысягі па рэлігійных перакананнях, можа патрапіць пад крымінальны пераслед.

Ён лічыць свой заклік незаконным і палітычна матываваным, таму і заявіў, што не будзе прымаць прысягу. У адказ кіраўніцтва ваеннай часткі № 51171 у Гродне стала пагражаць яму ўзбуджэннем крымінальнай справы за ўхіленне ад праходжання ваеннай службы, аднак актывісту далі час «на роздум» - 2 тыдні да прысягі. У выпадку адмовы ад прыняцця прысягі яго таксама могуць перавесці ў чыгуначныя войскі.


Напісаць каментар (3)


Навіны
па тэме

Экспарт

Loading...

          Новости партнеров


Loading...



Надвор'е ў Беларусі

   31.10   01.11 
Брэст Возможен дождь+7
+1
Облачно+8
+2
Віцебск Возможен дождь+4
-1
Небольшая облачность+5
-3
Гомель Возможен дождь+7
0
Возможен дождь+5
-3
Гродна Возможен дождь+8
+1
Возможен дождь+8
+3
Мінск Туман+6
0
Облачно+6
-2
Магілёў Возможен дождь+5
-1
Облачно+6
-4

Курсы валют Нацыянальнага банка

Валюта  31.10.14  01.11.14
EUR13 480,0013 450,00
USD10 710,0010 720,00
RUB247,00255,50

Меркаванне


Хто гаспадар на імперскім базары?

Хто гаспадар на імперскім базары?

Уладзімер Халіп

Памяти всех

Памяти всех

Ирина Халип

Побег из минской тюрьмы

Побег из минской тюрьмы

Дмитрий Дрозд

Лукашэнка як Гіркін

Лукашэнка як Гіркін

Наталля Радзіна

Белорусское «поле чудес»

Белорусское «поле чудес»

Александр Томкович



Учора на сайце:

наведвальнікаў 279553
праглядаў 1774423

пн аў ср чц пт сб нд
1 2 3 4 5
6 7 8 9 10 11 12
13 14 15 16 17 18 19
20 21 22 23 24 25 26
27 28 29 30 31

Старая версія сайта

Канстытуцыя Рэспублікі Беларусь:

"Артыкул 34. Грамадзянам Рэспублiкi Беларусь гарантуецца права на атрыманне, захоўванне i распаўсюджванне поўнай, дакладнай i своечасовай iнфармацыi аб дзейнасцi дзяржаўных органаў, грамадскiх аб'яднанняў, аб палiтычным, эканамiчным, культурным i мiжнародным жыццi, стане навакольнага асяроддзя..."

Падпіска

       

Пакіньце Ваш e-mail: