banner1 banner1 banner1

13.12.2012

Прэзідэнт Польшчы заклікаў запаліць свечкі салідарнасці з Беларуссю фатаздымкі 16

14:01, — Палітыка

Прэзідэнт Польшчы заклікаў запаліць свечкі салідарнасці з Беларуссю

Прэзідэнт Польшчы з жонкай заклікалі падтрымаць палітвязняў Беларусі.

У сувязі з гадавінай увядзення ваеннага становішча ў Польшчы Браніслаў Камароўскі заклікаў сваіх суграмадзян разам з ім і яго жонкай запаліць ў вокнах свечкі салідарнасці з беларусамі, для якіх дэмакратыя і свабода ўсё яшчэ недаступныя. Прыводзім тэкст яго заявы (пераклад - charter97.org):

«13 снежня 1981 года жорстка былі раздушаныя - пры дапамозе танкаў, узброеных атрадаў войска і міліцыі - польскія надзеі на свабоду і дэмакратыю. Былі арыштаваныя і кінутыя ў турмы лідэры дэмакратычнага руху. У Сілезіі, у Гданьску, у Кракаве і іншых гарадах пратэсты былі падушаныя сілай, былі забітыя і параненыя. Сёння Польшча - гэта свабодная і дэмакратычная краіна, краіна, у якой удзел у дэманстрацыі - гэта ўжо не адважны подзвіг, а права, даступнае для кожнага незалежна ад таго, якіх ён прытрымліваецца поглядаў. Аднак у дзень гадавіны ўвядзення ваеннага становішча мы павінны асабліва памятаць пра тых, для каго сёння яшчэ свабода і дэмакратыя недаступныя. Паколькі і сёння турмы, збіццё, пераслед сем'яў застаюцца балючай доляй шматлікіх змагароў за свабоду ў многіх краінах, у тым ліку ў блізкай палякам Беларусі. Для іх у гэтай сітуацыі важны кожны жэст салідарнасці, памяць, якая паказвае, што яны не самотныя.

12 снежня а 17-й гадзіне ў чарговы раз разам з жонкай мы запалілі ў акне Бельведэра сімвалічную свечку - свечку памяці аб ахвярах ваеннага становішча, якая адначасова з'яўлялася сімвалам нашай надзеі і салідарнасці з Беларуссю і іншымі народамі, якія змагаюцца за сваю свабоду. Мы хочам звярнуцца да сродкаў масавай інфармацыі, каб на першай старонцы газет, на вокладках часопісаў, на інтэрнэт-сайтах, на тэлевізійных застаўках змясцілі ў гэты дзень сімвал свечкі.

Успамінаючы ахвяры ваеннага становішча, просім усіх вас памятаць пра тых, для каго яшчэ не скончылася ноч без свабоды і дэмакратыі. Хай жэст салідарнасці, які ідзе ад нас, палякаў, умацоўвае веру ў тое, што свабоду нельга затрымаць, яе немагчыма падвергнуць цэнзуры або збіць міліцэйскай дубінкай. Нельга яе замкнуць у турме. Давайце дамо надзею тым, хто ў ёй сёння так мае патрэбу. Менавіта гэта азначае салідарнасць».

Браніслаў Камароўскі збіраецца сустрэцца са сваімі сябрамі ў турме ў варшаўскай Бялаленке, куды ён быў кінуты пасля арышту ў першы ж дзень ваеннага становішча. Ён таксама заявіў: «Спадзяюся, што нашыя сем'і - былых вязняў падчас ваеннага становішча - вышлюць пасылкі для тых, хто сёння таксама падвяргаецца рэпрэсіям за барацьбу за свабоду ў Беларусі. Мы збіраемся зрабіць гэта не ў сувязі з нашымі пасадамі, але паколькі мы змагаліся і змагаемся за свабоду і тады, у 1981 годзе. І таксама сёння, у 2012 годзе... »


Навіны
па тэме


Напісаць каментар (16)

Падзяліся!






Учора на сайце:

наведвальнікаў 294461
праглядаў 1667052

Папулярныя навіны

Дзень Волі ў Менску: Мы - еўрапейцы (Відэа, онлайн) (80354)

25.03, 14:45, — Палітыка

«Перадсмяротныя хрыпы даляра» - новы «шэдэўр» расейскай прапаганды (Фота) (66207)

22.03, 15:10, — У свеце

СМИ: Сын Януковича утонул на Байкале (55680)

22.03, 13:50, — Палітыка

Жыхары аграгарадка пад Магілёвам пагражаюць Лукашэнку Майданам (50602)

22.03, 9:55, — Грамадства

Как «историю» России разнесли в пух и прах (44655)

21.03, 12:04, Леонид Моряков — Меркаванне

У Дзярждуме заклікаюць увесці войскі ва Украіну (44608)

24.03, 11:15, — Украіна

Эксперт: Стратегия Путина в отношении Украины изменилась, и он перешел к плану «Б» (43744)

23.03, 16:45, — Украіна

Портнікаў: Пуцін разыграе карту «сыход з Данбаса» (42693)

24.03, 12:03, — Украіна

Кангрэс ЗША прыняў рэзалюцыю аб пастаўках зброі Украіне (39362)

24.03, 8:02, — Украіна

Беларускія ўлады гатовыя прыцягваць да крымінальнай адказнасці ўладальнікаў сайтаў і каментатараў (37196)

26.03, 7:05, — Палітыка

пн аў ср чц пт сб нд
1
2 3 4 5 6 7 8
9 10 11 12 13 14 15
16 17 18 19 20 21 22
23 24 25 26 27 28 29
30 31

Старая версія сайта

Канстытуцыя Рэспублікі Беларусь:

"Артыкул 34. Грамадзянам Рэспублiкi Беларусь гарантуецца права на атрыманне, захоўванне i распаўсюджванне поўнай, дакладнай i своечасовай iнфармацыi аб дзейнасцi дзяржаўных органаў, грамадскiх аб'яднанняў, аб палiтычным, эканамiчным, культурным i мiжнародным жыццi, стане навакольнага асяроддзя..."

Падпіска

       

Пакіньце Ваш e-mail: