Жанчына кінулася пад цягнік Менск-Масква
25- 28.12.2012, 10:11
Жанчына скончыла жыццё самагубствам на станцыі «Менск-Пасажырскі».
Пра гэта паведаміў прэс-сакратар УУС на транспарце МУС Аляксандр Марчанка, перадае БелТА.
Інцыдэнт адбыўся 27 снежня прыкладна ў 18.26, калі цягнік адпраўляўся ў Маскву. Склад ехаў па шляху № 6. Узрост і асоба загінулай высвятляюцца. Міліцыя мяркуе, што ёй было 55-60 гадоў. Па гэтым факце праводзіцца праверка.
У аддзяленні інфармацыі і грамадскіх сувязей УУС Менаблвыканкама паведамілі, што ў той жа дзень прыкладна ў 15.30 у Барысаўскім раёне скончыў жыццё самагубствам мясцовы жыхар 1986 года нараджэння, які скінуўся з пешаходнага моста праз раку Бярэзіна.