Украіна спыняе набор у войска
152- 29.12.2012, 22:13
У 2013 годзе ва Украіне будзе прыпынены набор на тэрміновую вайсковую службу з адначасовым пераходам на камплектаванне арміі выключна паводле кантракту.
Пра гэта паведамляе ВВС са спасылкай на міністра абароны краіны Паўла Лебедзева.
Як паведамілі ў прэс-службе мінабароны, аб гэтым міністр заявіў у вітальнай прамове з нагоды навагодніх і калядных святаў.
«Ужо ў новым годзе нас чакаюць новыя, маштабныя задачы. Будзе перагледжаная структура і сістэма кіравання ўзброенымі сіламі і палепшаная сістэма падрыхтоўкі спецыялістаў, прыпынены набор на тэрміновую вайсковую службу з адначасовым пераходам на камплектаванне арміі выключна паводле кантракту, як гэта зроблена сёння ў вядучых краінах свету», - заявіў Лебедзеў.