З 1 студзеня ўваходзіць у дзеянне ўказ аб барацьбе з «псэўдапрадпрымальніцтвам»

У Беларусі з 1 студзеня 2013 года ўваходзіць у дзеянне ўказ № 488 «Аб некаторых захадах аб папярэджанні незаконнай мінімізацыі сум падатковых абавязацельстваў».

Ён накіраваны на барацьбу з «псэўдапрадпрымальніцтвам, з нядобрасумленнай канкурэнцыяй, для мінімізацыі рызык добрасумленных арганізацый, прадпрымальнікаў і грамадзян падчас учынення ўгод», паведамляе БелТА.

Увядзенне нормаў гэтага ўказа выкліканае «патрэбай пільных захадаў, накіраваных на папярэджанне шэрагу эканамічных правапарушэнняў і крымінальных злачынстваў, якія ўчыняюцца пэўнымі арганізаванымі групамі ў прадпрымальніцкім асяроддзі з выкарыстаннем падстаўных асоб».

Ствараецца рэестр камерцыйных арганізацый і індывідуальных прадпрымальнікаў «з павышанай рызыкай учынення правапарушэнняў у эканамічнай сферы».

Так, у рэестр уключаюцца «звесткі аб юрыдычных асобах або прадпрымальніках, якія былі створаны аўтаматычна (зарэгістраваныя) для ўчынення розных эканамічных злачынстваў. Змяшчаецца інфармацыя аб пакінутых фірмах (офісы зачыненыя, кіраўнікі хаваюцца), арганізацыях, зарэгістраваных на падстаўных асоб».

Але гэтым указам не прадугледжваецца якое-небудзь абмежаванне праваздольнасці суб'екта прадпрымальніцтва, звесткі аб якім унесеныя ў рэестр, г.з. угоды з ім не забараняюцца. Але грамадзяне і юрыдычныя асобы «на стадыі прыняцця пастановы аб укладанні ўгоды змогуць атрымаць звесткі аб пэўнай рэпутацыі контрагента».