Гайдукоў: Маю справу могуць сфальсіфікаваць да абсурду
21
13:16, — Палітыка
Маці арыштаванага актывіста, нарэшце, атрымала ад яго ліст.
Пра гэта яна распавяла ў інтэрв'ю «Радыё Рацыя». Ліст, які атрымала Вольга Гайдукова, напісаны яе сынам ўжо пасля таго, як яго перавезлі ў Віцебск. Старыя яго лісты, адпраўленыя з СІЗА КДБ у Менску, да яе так і не дайшлі.
«Ліст быў напісаны ў 10-дзённы прамежак часу, калі яго перавезлі ў Віцебск і ён ні з кім не меў зносін. Таму, магчыма, і такі невясёлы настрой. Я зачытаю проста вытрымку з ліста: «У мяне ёсць падставы думаць, што справа можа быць фальсіфікаваная да абсурду. Адваката на момант 29 лістапад я бачыў толькі на допытах, прашу вас знайсці мне адваката і кантраляваць справу. Жыве Беларусь», - распавяла яна.
Па словах Вольгі Гайдуковай, апошняя сустрэча яе сына з адвакатам адбылася на днях, 3 снежня. Настрой яго змяніўся да лепшага. «Нармальна выглядае і добра трымаецца», - кажа яна. Хоць у пачатку размовы Андрэй Гайдукоў і выказаў занепакоенасць, што на волі пра яго забыліся.
Вольга Гайдукова мае намер выканаць просьбу сына і заключыць дамову з новым адвакатам.
Самой маці ў сустрэчы з сынам было адмоўлена. Хоць не выключана, што спатканне ўсё ж дазволяць у канцы следства.
Нагадаем, Андрэй Гайдукоў быў затрыманы 8 лістапада ў Віцебску. Як заявіў КДБ, гэта адбылося ў момант закладкі схованкі са звесткамі палітычнага і эканамічнага характару, якія цікавяць замежныя спецслужбы. Абвінавачваецца Гайдукоў у «здрадзе дзяржаве» ў форме правядзення агентурнай дзейнасці. Грамадзянская кампанія «Еўрапейская Беларусь» заявіла, што актывіст быў затрыманы за распаўсюджванне газеты «Хартыя'97».
Напісаць каментар (21)
Навіны
па тэме
- Гайдукову адмоўлена ў змене меры стрымання
- Арестованный Гайдуков фиксировал нарушения на «выборах»
- Уладзімір Лабковіч: З-за газеты нельга прыцягваць за «здраду радзіме»
- На самой справе Гайдукоў быў арыштаваны за захоўванне газеты «Хартыя'97»
Экспарт
Новости партнеров
