У цэнтры Менска задыміўся тралейбус (Фотафакт)

Учора ўдзень на вул. Сурганава ў сталіцы пасажыры тралейбуса вымушаныя былі тэрмінова пакінуць салон.

Пайшоў дым, кіроўца кінуўся тушыць узгаранне, напісалі відавочцы. Аднак пажарных на месца здарэння ніхто не выклікаў, паведаміў памочнік начальніка гарадскога ўпраўлення МНС Віталь Дэмбоўскі, піша onliner.by.

Удзельнік нашага форуму DoNoR стаў відавочцам здарэння (асаблівасці аўтарскай арфаграфіі і пунктуацыі захаваныя): «Палю на лесвіцы, гляджу на прыпынак каля клуба «Юла», раптам людзі як прусакі пачалі выбягаць з тралейбуса».

У МНС выказалі здагадку, што кіроўцу атрымалася самастойна ліквідаваць наступствы. Невядома, куды адправіўся тралейбус і ў чым была прычына надзвычайнага здарэння. У той жа час Віталь Дэмбоўскі заклікаў відавочцаў у такіх выпадках набіраць 101: ніхто не можа сказаць, як будзе развівацца сітуацыя, тым больш, калі гаворка ідзе аб грамадскім транспарце.