Жыхары вёскі Фарынава скардзяцца на «заварку» з крана
15- 26.07.2012, 17:53
Жыхары Фарынава (Полацкі раён) ужо паўгады не могуць дастукацца да мясцовых улад са скаргай на халодную ваду - рудага колеру са шматкамі.
Чарговы паток іржы чытачка TUT.by Вольга адлюстравала на відэа - можа праблему з вадой у Фарынава ў вобласці не пакінуць без увагі?
- Палюбуйцеся на «кававыя рэкі» фарынаўскага вадаправода. Можа быць з праглядам гэтага відэа нарэшце будуць прыняты якія-небудзь меры?! - напісала яна.
- Такая вада ў нас рэгулярна, каб яна стала больш-менш светлай, трэба пачакаць хвілін 15-20. А ў нас лічыльнікі! - абураецца Вольга. - Мы пастаянна тэлефануем і пакідаем заяўкі ў ЖКГ у Ветрына, якое нас абслугоўвае, яны іх прымаюць, абяцаюць разабрацца, але да гэтага часу за ўвесь час да нас нават майстар не прыйшоў! Я за паўгады пакінула каля 30 заявак! А толку?
Відэа было знята каля 2 дзён таму па адрасе Фарынава, дом № 7 - халодная вада, па словах Вольгі, да гэтага часу цячэ брудная, са шматкамі, аднак ужо не такога цёмнага колеру.
- Сёння да нас у Фарынава прыязджаў па сваіх справах начальнік выканкама - вада да абеду была выдатная, мы было ўзрадаваліся, але ён з'ехаў і вада зноў пажаўцела! - абурана яна.
Вольга адзначае, што яшчэ 2 гады таму гарачая вада ў вёсцы была толькі па выходных. Але жыхары сабралі подпісы і звярнуліся за дапамогай у Віцебск, пасля чаго гарачую ваду ім далі. Цяпер у вёсцы іншая бяда - іржавая халодная вада, штодня, на працягу паўгода.
- Яны спасылаюцца на старыя трубы і рамонтныя работы, але ж мы плацім спраўна за капітальны рамонт! Павінны ж выдзяляцца на рашэнне такіх праблем сродкі. Колькі можна нас мучыць?!