Палітсалдата Мускага пераводзяць у вайсковую частку ў Лапічах
6- 5.07.2012, 13:00
У дадзены момант Міхаіла Мускага вязуць у вайсковую частку, якая знаходзіцца ў вёсцы Лапічы Асіповіцкага раёна.
Пра гэта актывіст «Маладога Фронту» паведаміў у «Фэйсбуку».
Нагадаем, актывіст моладзевай арганізацыі «Малады фронт» Міхаіл Мускі быў гвалтоўна адпраўлены ў войска з ізалятара часовага ўтрымання. Пры гэтым, заява актывіста на альтэрнатыўную грамадзянскую службу была праігнаравана. Раней апазіцыянер служыў у артылерыйскіх войсках у вёсцы Парсючка Лепельскага раёна.
У знак пратэсту супраць незаконнага прызыву ён адмовіўся прымаць прысягу.