Супергерой «Нястрымных-2» апынуўся беларусам (Відэа)

Герой Рэндзі Куцюра ў сярэдзіне фільма прызнаўся, што ён беларус.

Андрэй Кім у сваім блогу прыводзіць 5 прычын, каб паглядзець новы баявік Сталонэ.

1. Ажыццяўленне дзіцячай мары

Хто з вас не марыў у дзяцінстве ўбачыць, нарэшце, хто круцей: Тэрмінатар або Рэмба, Уіліс або Ван Дам?

Сапраўды, Сільвестр Сталонэ ажыццявіў нашыя дваровыя мары, стварыўшы блокбастар, дзе героі баявікоў 90-х змагаюцца разам, а ў перапынках перакідваюцца эпічнымі фразамі са старых фільмаў.

Адно гэта, а яшчэ і настальгічнае пачуццё «вяртання ў дзяцінства» годна таго, каб схадзіць на фільм.

2. Па-сапраўднаму добры экшн

Рэжысёр зрабіў добрыя высновы з першай частцы, калі занадта вялікая крутасць усіх герояў негатыўна адбівалася на экшне. Не ўзнікае пачуцця перабору нідзе.

Фільму верыцца настолькі, наколькі ён сам гэтага хоча: натуральна, гэта не рэалістычная драма, а ўсё ж геройскі баявік, таму сотні трупаў ворагаў і «эфект штурмавіка» неад'емная яго частка.

Але гэта ўспрымаецца абсалютна натуральна і толькі ўзмацняе задавальненне ад фільма. Бадзёры, роўны, эфектны экшн, гэта несумнеўны плюс.

3. «Старыканы» у справе

З часоў фільма «РЭД» «старыканы» не аджыгалі так на шырокім экране.

Нагадаю, што не адзін і не два акцёра ў «Нястрымных-2» даўно перавалілі за 60 гадоў. Але гэта не перашкаджае ім стрэламі і штурхалямі пракладваць сабе шлях не горш іх больш маладых калегаў. Сапраўды, паглядзець на тое, як Арні і Чак пасля шматгадовага перапынку страляюць у дрэнных хлопцаў - асаблівае задавальненне.

4. Чак Норыс

Дарэчы, пра Чака. Яго з'яўленне - адзін з лепшых момантаў фільма. Па крайняй меры, такіх авацый у кінатэатры, якія выклікаў герой Чака Норыса, я ўжо даўно не чуў.

Хоць Чак ніколі не быў такой жа зоркай кіно, як Сталонэ або Уіліс, цяпер яго медыйная вядомасць, мабыць, вышэй іх усіх. Таму перад стваральнікамі фільма стаяла няпростая задача: з аднаго боку - апраўдаць чаканні фанатаў, з другога боку - не ператварыць гэта ўсё ў фарс. І трэба сказаць, рэжысёр бліскуча справіўся.

Чака Норыса ў фільме роўна столькі, колькі трэба і менавіта такім, якім трэба.

Схадзіць у кіно трэба ўжо для гэтых некалькіх па-сапраўднаму эпічных хвілін з Чакам, а дадатковым задавальненнем для вас будзе хваля пазітыўных авацый, якой кіназала сустрэне «самотнага ваўка».

5. Супергерой-беларус

І на дэсерт невялікі падарунак непасрэдна для нашай краіны. Пасярод фільма адзін з герояў прызнаецца, што ён... беларус!

Я не змог знайсці інфармацыі, што Рэндзі Куцюр, акцёр баевікоў і шматразовы чэмпіён свету па змяшаных адзінаборствах, мае продкаў з Беларусі, але яго герой у гэтым сумленна прызнаецца і сапраўды, ён вельмі падобны на беларускага ваяра.

Як гаворыцца, дробязь, але прыемна.

Такім чынам, фільм атрымаўся вельмі добрым, жартоўным, энергічным. Пясок з яго не сыплецца, як бы хто не баяўся, а адрэналіну хопіць на пяць навамодных стужак. Гэта сапраўдны класічны олдскул.