Радыяцыйны фон на ЦЭЦ-2 у Гродна перавышаны ў 50 разоў

Узровень радыяцыйнага фону склаў 6-10 мЗв/г.

Аб гэтым паведамілі агенцтву «Інтэрфакс-Захад» у МНС Беларусі.

«Пры правядзенні радыёграфічнага кантролю зварных злучэнняў пры рэканструкцыі абсталявання ў парагазатурбінным цэху ЦЭЦ-2, выяўлена перавышэнне радыяцыйнага фону ў падвесных элементах катла-утылізатара на вышыні каля 20 метраў», - паведамілі ў МНС.

«Узровень радыяцыйнага фону склаў 6-10 мЗв/г, што з'яўляецца значным перавышэннем нормы - у 50 разоў», - адзначылі ў МНС.

«У радыусе двух метраў ад крапяжоў не выяўлена перавышэння радыяцыйнага фону. Доступ людзей у небяспечную зону абмежаваны, ніхто не пацярпеў», - паведамілі ў МНС.

«Тэрыторыя каля 30 кв.м. агароджаная. Работнікі службы хімічнай і радыяцыйнай абароны Гродзенскага пажарнага аварыйна-выратавальнага атрада МНС сумесна з абласным цэнтрам гігіены, эпідэміялогіі і грамадскага здароўя правялі замеры радыяцыйнага фону», - адзначылі ў МНС.

«Працуе камісія па ўстанаўленні абставінаў здарэння. Плануюцца мерапрыемствы па замене і ўтылізацыі канструктыўных элементаў. Абсталяванне выраблена і пастаўлена з Індыі», - адзначылі ў МНС.