Казус з праслушкай
27- 19.09.2012, 10:59
Пільнасць супрацоўнікаў міліцыі і спецслужбаў у сачэнні за ўдзельнікамі выбарчага працэсу часам набывае анекдатычныя формы.
Кандыдат ад кампаніі «Гавары праўду» па Гродзенскай-Занёманскай акрузе № 49 Зміцер Бандарчук на днях замовіў у сталіцы запчасткі да асабістага аўтамабіля, пры гэтым вёў размовы па тэлефоне, піша «Народная воля».
Калі ж запчасткі былі прывезены ў Гродна, Бандарчука на аўтавакзале затрымалі міліцыянты, якія сталі шукаць улёткі.
Неўзабаве высветлілася, што ў пакеце сапраўды аўтамабільныя запчасткі, пасля чаго Бандарчука адпусцілі.