Прэзідэнт ПА АБСЕ наведаў офіс charter97.org (Фота)
18
14:29, — Палітыка
Рыкарда Мільёры абмеркаваў з рэдактарам charter97.org і лідэрамі беларускай апазіцыі сітуацыю ў Беларусі.
Прэзідэнт ПА АБСЕ наведаў 25 верасня варшаўскі офіс сайта charter97.org, які сёння вымушаны працаваць у выгнанні з-за рэпрэсій з боку беларускіх улад.
У сустрэчы з прэзідэнтам ПА АБСЕ прынялі ўдзел галоўны рэдактар charter97.org Наталля Радзіна, сястра былога кандыдата ў прэзідэнты Андрэя Саннікава Ірына Багданава, былы палітвязень Аляксандр Атрошчанкаў, экс-кіраўнік штаба Андрэя Саннікава Уладзімір Кобец і дачка былога палітвязня, каардынатара грамадзянскай кампаніі «Еўрапейская Беларусь» Зміцера Бандарэнкі Юлія.
Беларусы падзякавалі прэзідэнта ПА АБСЕ за аб'ектыўную і прынцыповую пазіцыю назіральнікаў Арганізацыі ў дачыненні да «парламенцкіх выбараў», якія прайшлі ў Беларусі 23 верасня. Рыкарда Мільёры адзначыў, што, на яго погляд, сёння ў краіне прынцыпова новая сітуацыя, паколькі відавочна, што беларусы праігнаравалі гэтыя «выбары». Рэальная яўка на ўчасткі, паводле яго слоў, была ў два разы ніжэй афіцыйнай.
Рэдактар charter97.org Наталля Радзіна заклікала прэзідэнта ПА АБСЕ самым сур'ёзным чынам паставіцца да праблемы беларускіх палітвязняў у турмах, дамагаючыся іх неадкладнага вызвалення. У гэтай сітуацыі, па словах журналісткі, Еўразвяз павінен неадкладна ўвесці эканамічныя санкцыі супраць лукашэнкаўскага рэжыму і яго бізнесу.
Акрамя таго, Наталля Радзіна адзначыла, што ў Парламенцкай асамблеі АБСЕ краіну не можа прадстаўляць нелегітымны «парламент», і заклікала Рыкарда Мільёры спыніць любое супрацоўніцтва з афіцыйным Менскам.
Уладзімір Кобец адзначыў, што «адзінае месца Лукашэнкі сёння - у Гаазе». «Лукашэнка - гэта праблема не толькі Беларусі, але і ўсёй Еўропы. Мы бачым, як імкліва адбываецца лукашызацыя Расеі і Украіны. Дыктатары ва ўсім свеце, аб'яднаныя ў «чорны інтэрнацыянал», спрабуюць утрымаць уладу ў сваіх краінах. На жаль, гэты «чорны інтэрнацыянал» згуртаваней, чым дэмакратычныя краіны, якія не могуць нават дамовіцца ў дачыненні да санкцый супраць рэжыму ў Беларусі».
Ірына Багданава падкрэсліла, што ў дачыненні да вязняў сумлення сёння ўжываюцца катаванні і ціск. «Вызваленне палітвязняў павінна стаць першачарговай задачай пры выпрацоўцы стратэгіі ў дачыненні да Беларусі», - адзначыла сястра Андрэя Саннікава.
Юлія Бандарэнка звярнула ўвагу на неабходнасць не толькі вызвалення, але і рэабілітацыі палітвязняў, паколькі нават выйшаўшы з турмаў, актывісты апазыцыі застаюцца ў краіне ў ролі заложнікаў.
Аляксандр Атрошчанкаў падтрымаў неабходнасць неадкладнага ўвядзення санкцый супраць Лукашэнкі. На яго думку, сёння ў дыктатуры цяжкае эканамічнае становішча і ў Еўропы ёсць усе рычагі ўплыву на сітуацыю ў краіне для дэмакратычных змен.
Напісаць каментар (18)
Навіны
па тэме
- Алена Каваленка: Палітвязні зноў выстаўляюцца на торг
- Die Welt: ЕЗ павінен аказаць ціск на дыктатара
- Рональд Пофала: Мы не можам маўчаць, калі свабода пад пагрозай
- Госдеп США: «Выборы» не были свободными и справедливыми
- Санкции против Лукашенко надо вводить немедленно
Экспарт
Новости партнеров
