25 красавiка 2015, Субота, 18:59

У Менску ўвядуць падатак на «багацце»?

187

Пра гэта заявіў галоўны архітэктар праектаў УП «Менскграда» Аляксандр Акенцьеў.

«Жыллё, размешчанае ў цэнтры горада, будзе мець самыя высокія падаткі на яго карыстанне», - заявіў чыноўнік падчас грамадскага абмеркавання праектаў рэстаўрацыі, рэканструкцыі і добраўпарадкавання гістарычнага цэнтра Менска, паведамляе «Радыё Свабода».

Ён адзначыў, што акрамя камунальных плацяжоў і падатку на зямлю будзе ўведзены яшчэ і «падатак на багацце».

Словы галоўнага архітэктара выклікалі адначасова смех і абурэнне ў менчукоў, якія сабраліся.

«Пра якія багацці ідзе гаворка, калі гэта адзінае жыллё чалавека», - спыталі людзі ў Аляксандра Акенцьева.

Нагадаем, у апошні час Менгарвыканкам праводзіць «ушчыльненне» беларускай сталіцы, якое суправаджаецца высечкай зялёных насаджэнняў, знішчэннем дзіцячых пляцовак і стаянак для асабістага транспарту.

падзяліцца