banner1 banner1 banner1

19.01.2013

Гомельскія прадпрымальнікі гатовыя страйкаваць 69

10:52, — Палітыка

Гомельскія прадпрымальнікі гатовыя страйкаваць

Напачатку студзеня гомельскія прадпрымальнікі, якія арандуюць плошчы ў гандлёвым цэнтры «Сакрэт», атрымалі паведамленне аб падвышэнні арэнднай платы ў 1,4-2 разы.

У залежнасці ад аб'екта кошт квадратнага метра складзе каля 100 еўра, паведаміў БелаПАН старшыня савета РГА «Перспектыва» Анатоль Шумчанка.

У кастрычніку 2012 паміж новым уласнікам ГЦ «Сакрэт» і прадпрымальнікамі пачаўся канфлікт. ТДА «НП-Сэрвіс» збіралася падвысіць арэндную плату ў 2-4 разы, з 45 да 120 еўра за квадратны метр. Прадпрымальнікі правялі акцыю пратэсту, аформленую як сандзень і пераўлік, сустрэліся з чыноўнікамі. Аблвыканкам стаў на старану ІП, у выніку ўласнік падвысіў арэндную плату нязначна.

«Але ў новай дамове было прапісана, што арэндадаўца мае права падвышаць плату тры разы ў год з паведамленнем загадзя. І вось толькі наступіў новы год, як плату падвысілі. Увосень сітуацыю ўдалося накіраваць у канструктыўнае рэчышча, здалося, што новы ўласнік зразумеў, што з прадпрымальнікамі можна і трэба дамаўляцца. А цяпер ён зноў пачаў гнуць сваю лінію. Але судовай перспектывы тут практычна няма, так як у дамове прапісаныя такія ўмовы - магчымасць тры разы на год падвышаць арэнду», - сказаў Шумчанка.

Адна з гомельскіх прадпрымальніц, якая працуе у ГЦ «Сакрэт», паведаміла БелаПАН, што арандатары накіравалі калектыўны зварот у аблвыканкам з просьбай разабрацца з новым падвышэннем арэнднай платы. Прадпрымальнікі спадзяюцца, што ўлады ім дапамогуць, як гэта было восенню. Са слоў арандатара, прадпрымальнікі гатовыя, калі іх не пачуюць, пайсці на радыкальныя меры - страйк, нявыплату падаткаў.

Са слоў работніка ГЦ «Сакрэт», прадпрымальнікі не змогуць плаціць такую высокую арэндную плату, бо не маюць вялікіх прыбыткаў.


Навіны
па тэме


Напісаць каментар (69)

Падзяліся!






Учора на сайце:

наведвальнікаў 324841
праглядаў 2109629

пн аў ср чц пт сб нд
1
2 3 4 5 6 7 8
9 10 11 12 13 14 15
16 17 18 19 20 21 22
23 24 25 26 27 28 29
30 31

Старая версія сайта

Канстытуцыя Рэспублікі Беларусь:

"Артыкул 34. Грамадзянам Рэспублiкi Беларусь гарантуецца права на атрыманне, захоўванне i распаўсюджванне поўнай, дакладнай i своечасовай iнфармацыi аб дзейнасцi дзяржаўных органаў, грамадскiх аб'яднанняў, аб палiтычным, эканамiчным, культурным i мiжнародным жыццi, стане навакольнага асяроддзя..."

Падпіска

       

Пакіньце Ваш e-mail: