banner1 banner1 banner1

24.01.2013

Jamestown Foundation: Лукашэнка працягвае «вайну» супраць ЕЗ важная навіна 50

8:34, — Палітыка

Jamestown Foundation: Лукашэнка працягвае «вайну» супраць ЕЗ

На беларускім тэлебачанні пачаўся новы этап інфармацыйнай вайны з Захадам.

Ён звязаны з паказам дакументальнага фільма «Псеўдамадэрн», які выйшаў у снежні мінулага года, піша палітолаг Дэвід Марплз на сайце Jamestown Foundation (пераклад - charter97.org). Прыводзім вытрымкі з артыкула:

Дзяржаўная тэлекампанія абвінаваціла еўрапейцаў у спробе падпарадкаваць Беларусь з дапамогай прыватызацыі прадпрыемстваў і замены рэжыму Лукашэнкі на празаходні ўрад.

Нечаканая атака з боку афіцыйных прапагандыстаў стала самай адкрытай за апошнія 10 гадоў. Перадумовай для яе стаў «Еўрапейскі дыялог па мадэрнізацыі Беларусі», які быў ініцыяваны еўракамісарам па пытаннях пашырэння і палітыкі суседства Штэфанам Фюле ў сакавіку 2012 года. Гэта першы буйны праект ЕЗ, які тычыцца Беларусі, з моманту заснавання «Усходняга партнёрства» амаль чатыры гады таму.

У праграме ў адрас Бруселя былі вылучаныя абвінавачванні ў тым, што для рэалізацыі праекта вылучылі 11,9 мільярдаў даляраў у той час, як для развіцця шасці краін «Усходняга партнёрства» знайшлі толькі 798 тысяч. Прапагандысты выкарыстоўвалі дзве стратэгіі для дыскрэдытацыі ініцыятывы: заявы мясцовых і замежных экспертаў і крытыку апазіцыйных палітыкаў. У заключэнне гледачы пачулі захопленыя словы пра стан айчыннай эканомікі.

У ліку мясцовых экспертаў, якія прынялі ўдзел у съмках, былі палітолагі Алена Панамарова, Юрый Шаўцоў і Вадзім Гігін. Апошні сцвярджаў, што еўрапейцы спрабуюць «бюракратычнай рэвалюцыяй» разбурыць сістэму знутры з дапамогай «агентаў уплыву».

Сярод замежных экспертаў былі Аляксандр Рар з нямецкага «Савета па міжнародных адносінах», Йохан Галтунг, дырэктар швейцарска-нарвежскага інстытута, і Рычард Фальк, вядомы сваёй падтрымкай руху ХАМАС.

Яны казалі пра тое, што ў Еўропе існуе «прафесійнае лобі» па дыскрэдытацыі Беларусі, асноўная віна якой заключаецца ў «адмове падпарадкавацца эканамічнай інтэрвенцыі Захаду».

Таксама ў праграме паказалі актывістаў апазіцыі, якія прысутнічалі на сустрэчах у Бруселі. Аўтары заявілі, што іх здымалі «схаванай камерай». Прадстаўнікі апазіцыі, сярод якіх былі Станіслаў Шушкевіч, Аляксандр Мілінкевіч, Міхаіл Пастухоў, Уладзімір Мацкевіч і іншыя, паказаныя ў якасці дыверсантаў, якія імкнуцца навязаць краіне сваю эканамічную мадэль.

Дэманстрацыя фільма супала з тым, што аналітык Аляксей Мядзведскі апісвае, як спробу чыноўнікаў «зняць адказнасць за дыялог з Захадам у 2008-2010 гадах». На яго думку, каманда на чале з былым міністрам замежных спраў Сяргеем Мартынавым тады не дамаглася прагрэсу і павінна быць заменена. З гэтым аналітык звязвае і вяртанне Віктара Шэймана.

Было б спрашчэннем, аднак, рабіць выснову, што афіцыйны Менск проста павярнуўся спіной да Еўропы. Беларускі экспарт у ЕЗ склаў амаль 40 адсоткаў у мінулым годзе. На кампаніі з ЕЗ прыпадае 50 адсоткаў замежных інвестыцый. Еўропа занадта важная для рэжыму. Хутчэй за ўсё, беларускія ўлады спрабуюць заняць больш моцную пазіцыю для палітычнага гандлю.



Напісаць каментар (50)

Падзяліся!






Учора на сайце:

наведвальнікаў 329172
праглядаў 1921515

Папулярныя навіны

В Москве убит Борис Немцов (Видео) (139743)

28.02, 0:50, — Палітыка

Юрий Фельштинский: В Беларуси возможно устранение Лукашенко по афганскому варианту (91179)

24.02, 9:02, — Інтэрв'ю

У Менску джыпу са сцягам Наваросіі прабілі колы (70444)

25.02, 15:44, — Грамадства

Працоўныя МАЗа масава звальняюцца з прадпрыемства (66959)

22.02, 8:48, — Грамадства

Бойцы «Донбасса» показали, что они делают с пленными боевиками (60431)

21.02, 21:22, — Украіна

Новая падатковая пастка для беларусаў (53034)

23.02, 8:50, — Грамадства

У Данбасе знікла найноўшая расейская ўстаноўка сакрэтнай сувязі (52754)

25.02, 11:47, — Украіна

Параўнанне коштаў: колькі цяпер каштуюць прадукты ва Украіне і Беларусі? (49976)

25.02, 12:03, — Грамадства

Беларускія ўлады хочуць цалкам заблакаваць незалежныя сайты (46531)

25.02, 11:06, — Палітыка

Пад Берасцем заўважылі калону людзей у камуфляжы і са сцягам РФ (40555)

22.02, 15:54, — Грамадства

пн аў ср чц пт сб нд
1
2 3 4 5 6 7 8
9 10 11 12 13 14 15
16 17 18 19 20 21 22
23 24 25 26 27 28

Старая версія сайта

Канстытуцыя Рэспублікі Беларусь:

"Артыкул 34. Грамадзянам Рэспублiкi Беларусь гарантуецца права на атрыманне, захоўванне i распаўсюджванне поўнай, дакладнай i своечасовай iнфармацыi аб дзейнасцi дзяржаўных органаў, грамадскiх аб'яднанняў, аб палiтычным, эканамiчным, культурным i мiжнародным жыццi, стане навакольнага асяроддзя..."

Падпіска

       

Пакіньце Ваш e-mail: