У Каліфорніі зладзілі спаборніцтвы па серфінгу сярод сабак (Відэа)
- 1.10.2013, 15:20
- 6,009
Каліфарнійскі Хантынгтан-Біч - упадабанае месца сёрфінгістаў.
Тут праводзяць шмат элітных спаборніцтваў па серфінгу, уключаючы найбуйнейшае ў свеце, паведамляе NTDRussian.
Аднак на днях у цэнтры ўвагі тут апынуліся сёрферы чацвераногія. На працягу трох дзён знакаміты пляж прымаў спаборніцтвы па сабачаму серфінгу - Surf City Surf Dog, ужо пятыя па ліку, пішуць news.eizvestia.com.
Удзельнічаюць некалькі сотняў сабак розных парод і памераў. За званне хвастатага заваёўніка хваляў спаборнічаюць у чатырох катэгорыях - у залежнасці ад вагі. Пры гэтым, чацвёраногіх серфераў ацэньваюць за розныя навыкі, уключаючы працягласць заплыву і ўпэўненасць на дошцы. У гэтым годзе спаборнічаюць нават у парным заплыве.
Сабачы сёрфінг стаў ужо настолькі папулярным, што заакрамы пачалі прапаноўваць адмысловую экіпіроўку.
Прыбытак ад правядзення гэтага спаборніцтва пойдзе ў фонды шэрагу арганізацый дапамогі жывёлам.