Арыштаваны дырэктар «Магілёўрамбыттэхніка»
35- 1.10.2013, 16:08
- 39,165
Зачыстка дырэктараў у Беларусі працягваецца.
Прадухіленае незаконнае атрыманне і неэфектыўнае расходаванне Br2 млрд. з бюджэту Магілёўскай вобласці. Пра гэта паведамляе прэс-служба Камітэта дзяржаўнага кантролю Беларусі.
Па матэрыялах праверкі Камітэта дзяржкантролю Магілёўскай вобласці ўпраўленне Дэпартамента фінансавых расследаванняў узбудзіла крымінальную справу ў дачыненні да былога кіраўніка ААТ «Магілёўрамбыттэхніка» за наўмыснае ўхіленне ад пагашэння крэдыторскай запазычанасці прадпрыемства. За гэта злачынства экс-дырэктару пагражае пакаранне да двух гадоў пазбаўлення волі.
У ходзе праверкі ААТ «Магілёўрамбыттэхніка» выяўленыя факты нямэтавага выкарыстання бюджэтных сродкаў, невыканання парадку бухгалтарскага ўліку і вядзення касавых аперацый, тэрмінаў выплаты зарплаты, скажэння статыстычнай справаздачнасці і шматлікія іншыя парушэнні, адзначаюць там.
Па выніках праверкі на прадпрыемства і яго работнікаў накладзеныя штрафы на суму больш за Br0,5 млрд.