У Тайландзе перакуліўся аўтобус з расейскімі турыстамі

Аўтобус кампаніі «Пегас Турыстык», на борце якога знаходзіліся 42 расейца, перакуліўся ў правінцыі Канчанабуры на паўночным захадзе Тайланда.

Ёсць пацярпелыя, паведаміў РІА Новости ў пятніцу загадчык консульскага аддзела амбасады РФ у Тайландзе Андрэй Дворнікаў.

«У цяперашні час супрацоўнікі консульскага аддзела амбасады высвятляюць абставіны здарэння. Пакуль нам вядома толькі, што ёсць пацярпелыя, і некаторыя з іх у дадзены момант знаходзяцца на шляху ў бальніцу, хутчэй за ўсё, у «Канчанабуры меморыял хоспітал». Аўтобус вёз расейскіх турыстаў з Патайі на экскурсію ў раён ракі Квай», - паведаміў дыпламат.

Ён дадаў, што консульскі аддзел амбасады РФ зробіць усё магчымае, каб аказаць своечасовую дапамогу пацярпелым расейцам і паведаміць іх сваякам аб іх стане.

Як паведаміла гендырэктар кампаніі «Пегас Турыстык» Ганна Падгорная, загінулых і цяжка параненых у выніку інцыдэнту няма.