Apple удвая скарачае вытворчасць iPhone 5С
13- 11.10.2013, 15:51
- 12,034
Кампанія Apple, як мяркуецца, удвая скарачае вытворчасць бюджэтных смартфонаў iPhone 5С.
Пра гэта паведамляе CNet са спасылкай на кітайскія СМІ. Па наяўных дадзеных, цяпер вырабляецца 150 тыс. мадэляў iPhone 5С у дзень замест 300 тыс.
Лічыцца, што прычынай такога рашэння стаў больш нізкі попыт на iPhone 5С у параўнанні з попытам на флагманскі iPhone 5S. Абодва смартфона былі прадстаўленыя ў верасні, піша «Газета.Ru».
Як адзначае выданне, пацвярджэннем такіх чутак можа з'яўляцца тое, што ў афіцыйнай анлайн-краме Apple мадэль iPhone 5С гатовая да адпраўкі заказчыку на наступны дзень пасля афармлення куплі, а мадэль iPhone 5S - праз некалькі тыдняў.
Раней паведамлялася, што афіцыйныя продажы iPhone 5S і iPhone 5С пачнуцца ў Расеі, Італіі і Іспаніі 25 кастрычніка.