Лякарням паднялі кошты на ацяпленне

Падвышаныя тарыфы на цеплавую энэргію для ўстаноў аховы здароўя, дзіцячых дамоў, дамоў састарэлых, рэлігійных ды іншых арганізацый.

Так вызначылі пастановай Міністэрства эканомікі №73 ад 2 кастрычніка 2013 года. Яна апублікаваная на Нацыянальным прававым інтэрнэт-партале.

Нагадаем, што 1 кастрычніка 2013 года тарыфы на цеплавую энэргію, што адпускаецца для патрэб насельніцтва, павялічаныя на 3%.

«Паколькі існымі нарматыўнымі прававымі актамі ўстаноўленыя тарыфы на цеплавую энэргію для юрыдычных асоб, прадугледжаныя катэгорыі спажыўцоў (юрыдычных асоб), якія маюць тарыфы на ўзроўні тарыфаў для насельніцтва, Міністэрствам эканомікі прынятая пастанова аб адпаведным павелічэнні тарыфу на цеплавую энергію, што адпускаецца РУП электраэнэргетыкі ДВА «Белэнерга» такім катэгорыям спажыўцоў», - гаворыцца ў каментары Мінэканомікі.