Пётр Ялфімаў стаў канкурсантам «Голаса» (Відэа)
57- 13.10.2013, 20:44
- 31,290
Яшчэ адзін беларус бярэ ўдзел у папулярным расейскім музычным конкурсе.
Выкананне Пятром Ялфімавым песні «Паляцелі скрозь вокны» спадабалася сябрам журы, таму гледачы «Першага канала» змогуць убачыць яго ў далейшых турах праекта.
Музыкант скончыў Беларускую дзяржаўную акадэмію музыкі, спецыяльнасць - акадэмічныя спевы, ён з'яўляецца магістрам мастацтвазнаўства. Спяваў у многіх краінах свету сола і ў групе, браў удзел у розных міжнародных фестывалях і конкурсах, выступаў на «Еўрабачанні» ад Беларусі.
Пётр Ялфімаў складае тэксты і музыку для сябе і іншых выканаўцаў, іграе на фартэпіяна і гітары. Самай яркай падзеяй лічыць сваю перамогу на «Славянскім базары» у Віцебску ў 2004.
Нагадаем, у конкурсе ўжо бярэ ўдзел беларуска Патрыцыя Курганава.