КНДР тэстуе хімзброю на палітвязнях
29- 14.10.2013, 13:06
- 20,785
У Паўночнай Карэі хімічную зброю тэстуюць на палітычных вязнях.
Такое сцвярджэнне ўтрымліваецца ў дакладзе Амерыкана-карэйскага інстытута Джона Хопкінса перадавых міжнародных даследаванняў, піша РБК са спасылкай на брытанскую газету The Telegraph.
Пра гэта паведамілі як самі арыштанты, так і былыя ахоўнікі. Адзін перабежчык, які стаў сведкам 22 доследаў, распавёў, як гэта адбываецца.
Зняволеных змяшчаюць у шкляныя камеры, пасля чаго запампоўваюць газ. Навукоўцы назіраюць за рэакцыямі вязняў зверху праз шкло. У газавай камеры загінулі бацькі, сын і дачка сведкі.
Былы паўночнакарэйскі вайсковец прызнаўся, што асабіста ўдзельнічаў у падобных эксперыментах. Доследы праводзіліся на востраве каля заходняга ўзбярэжжа Карэйскага паўвострава. Раней у СМІ з'явілася інфармацыя аб тым, што паддоследнымі ў цэнтры выступілі дзеці-інваліды.
Назіральнікі адзначаюць, што пацвердзіць гэтую інфармацыю вельмі цяжка: ніякіх сведчанняў, за выключэннем паказанняў відавочцаў, не застаецца.
Паводле ацэнак экспертаў, КНДР можа вырабляць 4 тыс. 500 т атрутных рэчываў у год , але ў выпадку вайны аб'ёмы выраблянай хімзброі можна павялічыць да 12 тыс. т. У арсенале карэйскай арміі - хлор, зарын, фасген і іншыя рэчывы з сямейства гарчычнага газу.