Менчук паплаціўся коламі за паркоўку пад дошкай Мулявіну

Кіроўца вялікага пазадарожніка Ford не раз паркаваўся прама каля мэмарыяльнай дошкі, усталяванай у памяць пра музыку.

Магчыма, менавіта гэты факт быў успрыняты кімсьці як абраза, і на днях у машыне спусцілі два колы.

Фота, зробленае на вул. Л. Бяды ў Менску, размясціў удзельнік форуму onliner.by HEXP. Яно знята каля дома №13, на сцяне якога ў 2004 годзе ўсталявалі мемарыяльную дошку з барэльефам. У апошнія гады жыцця Уладзімір Мулявін жыў у гэтым доме.

Аўтар фота піша (тут і далей арфаграфія і пунктуацыя захаваныя): «Уладальніку джыпа, які ў апошні час стаў там пакідаць свой аўто, хтосьці намякнуў, што так рабіць не добра. Ён нібы і не замінае нікому, але так ставіць не прыстойна».