Velcom павышае тарыфы з 1 лістапада

Аператар сотавай сувязі velcom павышае кошт паслуг на тарыфных планах лінейкі «ПРИВЕТ» з 1 лістапада.

Пра гэта паведамілі БелТА ў прэс-службе мабільнага аператара.

Змена кошту паслуг будзе праведзена з улікам дасягнутага з пачатку бягучага года ўзроўню інфляцыі, будуць уніфікаваныя існуючыя перыяды тарыфікацыі нацыянальных і міжнародных званкоў, а таксама ўведзена адзіная пахвілінная тарыфікацыя.

Як адзначылі ў прэс-службе, з улікам запланаваных змен рост сярэдняга рахунку складзе 8%, а новыя кошты будуць апублікаваныя 1 лістапада на сайце кампаніі.

Без змяненняў захоўваецца кошт інтэрнэт-пакетаў: «Интернет 50», «Интернет 150», «Интернет 250», «900 Мб на 10 / на 30 дней», «1800 Мб на 10 дней/30 дней», «3600 Мб на 30 дней», унёсак для прызначэння бонусаў па тарыфных планах «Вам деньги», «Приветик», кошт камплекта «Связь без обязательств», а таксама кошт роўмінгавых тарыфаў, тарыфаў на паслугі, якія аказваюцца праз кантэнт-правайдэраў з дапамогай адпраўкі SMS, MMS, USSD-запытаў, званкоў на кароткія нумары.

Па словах супрацоўнікаў кампаніі, з 1 лістапада ўсім карыстальнікам тарыфных планаў лінейкі «ПРИВЕТ» і тарыфнага плана «Связь без обязательств» стане даступнае прызначэнне двух «любімых нумароў», якія дазваляюць істотна аптымізаваць выдаткі на паслугі сувязі. У якасці «любімага нумара» можа быць прызначаны нумар любога абанента velcom і ПРИВЕТ.