Фільм пра белага труса перамог на «Bulbamovie»
- 20.10.2013, 10:02
- 8,099
У суботу ў Варшаве былі абвешчаныя пераможцы фестывалю «Bulbamovie».
Уручэнне прызоў прайшло ў кінатэатры «Luna» ў цэнтры польскай сталіцы.
Як стала вядома charter97.org, «Залатую бульбіну» атрымала анімацыйная стужка «Фокус» Марыі Матусевіч. Яе галоўны герой - белы трус. Сюжэт фільма - пра тое, як ён прыбірае сваё жыллё - невялікі арандаваны пакой.
«Срэбную бульбіну» атрымаў дакументальны фільм рэжысёркі Таццяны Сяцко «Не веру». Гэтая стужка прысвечана асэнсаванню прафесійнай акторскай адукацыі і ўяўляе сабой дакументальны фільм-даследаванне калятэатральнай прасторы сучаснай Беларусі.
«Бронзавую бульбіну» журы прысудзіла анімацыйнай стужцы «Горад». Яна была знятая рэжысёрамі Андрусём Такіндангам і Дзянісам Мяжуем і распавядае пра ўплыў мастацтва на людзей.
Таксама былі ўручаныя спецыяльныя ўзнагароды ад тэлеканала «Белсат» і прызы гледачам.
Імпрэза скончылася дэманстрацыяй фільма Сяргея Лазніцы «У тумане».
Фота: bulbamovie.pl