Аляксандр Ермаковіч: Адступаць БАТЭ няма куды
3- 20.10.2013, 16:23
- 12,303
Новы галоўны трэнер барысаўскага клуба падзяліўся ўражаннямі ад працы ў новым статусе.
Аляксандр Ермаковіч паабяцаў атрымаць перамогу ў Гомелі. Пра гэта піша афіцыйны сайт клуба.
«Першы тыдзень, вядома, атрымаўся незвычайным. Зразумела, што ў старэйшага і галоўнага трэнераў розныя функцыі і, галоўнае, адказнасць. Унікаю ва ўсе справы. Ёсць рэчы, з якімі пакуль не вельмі добра знаёмы. Праца напружаная, але я да яе гатовы. Ведаў, куды іду. Падобныя адчуванні былі, калі мяняў кар'еру гульца на кар'еру трэнера, - сказаў ён. - У Гомелі нас чакае няпростая гульня - у гэтым сезоне мы ім саступілі двойчы. Таму трэба абавязкова ўзяць рэванш. Адступаць нам няма куды. Думаю, усё ў нас атрымаецца».
Нагадаем, 12 кастрычніка былы трэнер БАТЭ Віктар Ганчарэнка пацвердзіў свой сыход з клуба. Новым настаўнікам каманды стаў Аляксандр Ермаковіч.
Фота: fcbate.by