«Кубань» прайграла першы матч пад кіраўніцтвам Ганчарэнкі

Маскоўскае «Дынама» здабыло перамогу над краснадарскай «Кубанню» ў матчы чэмпіянату Расеі ў футболе.

Сустрэча на стадыёне «Радзіма» ў Хімках скончылася з лікам 3:1 на карысць «бела-блакітных», у складзе якіх вызначыліся Андрэй Варонін (58-я хвіліна), Уладзімір Гранат (62-я) і Кевін Кураньі (84-я, з пенальці). У «Кубані» на 50-й гол забіў Ібраіма Бальдэ. «Кубань», на трэнерскім мастку якой Віктар Ганчарэнка змяніў Дарынела Мунцяну, заканчвала матч у складзе з 9 гульцоў пасля выдаленняў Арсэна Хубулава (68-я хвіліна) і Давіда Цараева (86-я), піша «Р-Спорт».

«Дынама» з 23 ачкамі паднялося на пятае месца ў турнірнай табліцы чэмпіянату Расеі. «Кубань» (14) засталася 10-й.