На Куйбышава сутыкнуліся BMW X6 і Harley-Davidson (Відэа)

Учора ўвечары ў Менску на вул. Куйбышава сутыкнуліся красовер і матацыкл.

Як мяркуюць на форуме onliner.by, кіроўца аўтамабіля здзяйсняў левы паварот у двор дома (у разметцы ёсць разрыў). У Менскай ДАІ пацвердзілі гэтыя здагадкі. Інспектары ўдакладнілі, што пацярпеў кіроўца Harley-Davidson - у яго пералом нагі і пальца.

Аварыя адбылася каля 19:20 на ўчастку паміж вул. Сурганава і вул. Кульман. «На Куйбышава насупраць стаянкі ёсць уезд у двор, а 20:00 ляжаў матацыкл (не спорт), на паласе матацыкла і сустрэчнай для сябе, стаяў здаецца Х6. Падобна, што бмв, пры павароце налева ў двор не прапусціў моцік. Пілота не бачыў ужо, стаялі толькі ДАІ», - піша ўдзельнік Spark777 (арфаграфія і пунктуацыя захаваныя). Карыстальнік X_6 размясціў відэа з месца здарэння.

- Кіроўца (1971 г.н.) аўтамабіля BMW ехаў па вул. Куйбышава (з боку вул. Кульман у напрамку вул. Сурганава), - распавялі ў ДАІ горада. - Насустрач рухаўся матацыкліст (1980 г. н.) на Harley-Davidson. Кіроўца аўтамабіля стаў здзяйсняць паварот налева, у двор дома. Матацыкліст, як ён тлумачыць, «паклаў» свой транспартны сродак, пашкодзіўшы куртку, шлем і акуляры. У яго дыягнаставалі пералом нагі і пальца.

Як растлумачыў кіроўца Harley-Davidson, ён рухаўся па крайняй правай паласе вул. Куйбышава. Аднак з двара выязджаў аўтамабіль Opel, часткова перагарадзіўшы шэраг. Тады матацыкліст, як ён падкрэслівае, загадзя перабудаваўся ў крайні левы шэраг. У гэты момант хуткасць складала каля 35 км/г. Потым ён убачыў капот красовера і вырашыў «пакласці» матацыкл.

- Мужчына, які кіраваў BMW, сцвярджае, што прапускаў сустрэчны паток, - дапоўнілі інспектары. - Затым яму здалося, што машын няма, і ён стаў паварочваць налева. Яго віна ў гэтым ДТЗ відавочная.