Міліцыя ўпрыгожвае патрульныя машыны расейскімі сцяжкамі
33- 25.10.2013, 12:56
- 38,987
Дзіўную карціну ўбачылі жыхары Віцебска.
На адной з патрульных машын, якія належаць міліцыі Віцебска, (бартавы нумар 3118, дзяржаўны нумар 1564ВТ) на лабавым шкле разам са сцягам Рэспублікі Беларусь змешчаны сцяг Расейскай Федэрацыі, пішуць «Народныя навіны Віцебска».
У апошні час такія сцяжкі досыць шырока распаўсюджаныя ў аўтатранспарце ў Віцебску, напрыклад, іх можна заўважыць у некаторых маршрутных таксі.
Нагадаем, аўтобусны парк №2 Менска пасля скаргі пасажыра прымусіў кіроўцу рэйсавага аўтобуса зняць такія сцяжкі і пазбавіў яго часткі прэміі за размяшчэнне на лабавым шкле старонніх прадметаў.