Артыкулы з Wikipedia можна будзе атрымаць бясплатнымі смс
3- 25.10.2013, 17:10
- 8,585
Фонд Wikimedia Foundation абвясціў пра сумесны праект з кампаніяй Airtel.
У афіцыйным блогу фонду паведамляецца, што гаворка ідзе пра бясплатны SMS-сэрвіс для афлайн-доступу да энцыклапедыі Wikipedia. Новая служба атрымала назву Wikipedia Zero, піша «Газета.Ru».
Праект з'яўляецца пілотным. Яго тэставанне будзе праходзіць на працягу трох месяцаў у Кеніі. Для доступу да анлайн-энцыклапедыі ўладальнікі звычайных мабільных тэлефонаў і смартфонаў павінны набраць код *515# і атрымаць некалькі ўдакладняючых SMS-паведамленняў, пасля чаго карыстальнікам будзе адпраўлены артыкул з Wikipedia, які іх цікавіць.
Дадатковыя дастасаванні для працы Wikipedia Zero ставіць не трэба. У Wikimedia Foundation спадзяюцца, што ў будучыні сэрвіс стане даступным для мільярдаў уладальнікаў мабільных тэлефонаў, якія не могуць дазволіць сабе доступ у інтэрнэт.
Фота: leadergeeks.com