Сіноптыкі папярэджваюць аб замаразках

Гідраметцэнтр Беларусі распаўсюдзіў аператыўнае папярэджанне аб неспрыяльнай метэаралагічнай з'яве.

«У ноч на 6 кастрычніка (нядзеля) у паўднёва-ўсходняй палове краіны на глебе і месцамі ў паветры чакаюцца замаразкі 0, -4°C» - гаворыцца ў паведамленні сіноптыкаў.

Замаразкі чакаюцца, у тым ліку, і ў Менскай вобласці.

МНС, у сваю чаргу, паведамляе аб небяспецы пашкоджання і гібелі сельскагаспадарчых раслін.

«Замаразкі ўяўляюць небяспеку для сельскагаспадарчых раслін, у асенне-вясновы перыяд для насення і ўсходаў. Для абароны раслін ад замаразкаў неабходна забяспечыць іх сховішча палімернай плёнкай, нятканым матэрыялам (спанбондам), саломай. Таксама не варта пакідаць без хованкі на палях выкапаныя бульбу і караняплоды», - гаворыцца ў паведамленні МНС.

Сіноптыкі абяцаюць, што анамальнае пахаладанне скончыцца на наступным тыдні, калі тэмпература ў Беларусі трохі паднімецца.