Банкі прадаюць даляр па 9300 рублёў

У банках Беларусі максімальны курс продажу даляраў дасягнуў 9300 рублёў.

Такі курс выставіў «Дэльта Банк». Услед за ім размясціліся «Хоум Крэдыт Банк» (9260 рублёў), «Альфа-банк» і «Белаграпрамбанк» (па 9230 рублёў). Танней за ўсё можна было набыць амерыканскую валюту ў «Белаграпрамбанку», дзе адзін даляр прадаюць за 9150 рублёў, піша «Тэлеграф».

Здаваць даляры выгадней за ўсё ў «Белаграпрамбанку», «Белгазпрамбанку» і «Тэхнабанку». Тут даляры прымаюць па кошце 9160 рублёў.

Нагадаем, па выніках таргоў 8 кастрычніка курс даляра ўстанавіў чарговы рэкорд - павялічыўшыся на 10 рублёў (0,11%), ён дасягнуў 9150 рублёў. Курс расейскага рубля таксама павялічыўся - на 50 капеек (0,18%) да 283,5 рубля. Курс еўра не змяняецца другі дзень запар. У адносінах да кошыка валют рубель аслабеў на 0,1%.