Севярынец падарыў камендатуры душ
16- 9.10.2013, 17:15
- 15,380
Адміністрацыя спецкамендатуры ў вёсцы Куплін Пружанскага раёна, дзе адбывае пакаранне палітвязень Павел Севярынец, прыняла ў дар бойлер.
Цяпер асуджаныя змогуць прымаць душ, піша ПЦ «Вясна».
Бойлер у самым пачатку знаходжання Севярынца ў спецкамендатуры прывезлі сябры БХД з Кобрына. Але адміністрацыя тады адмовілася яго прыняць, бо трэба было афармляць шмат дакументацыі.
Як сказаў Павел Севярынец , усталёўка 200-літровага якаснага нарвежскага бойлера даўно б развязала праблему адсутнасці гарачай вады ў камендатуры. Ён адзначыў, што ўжо некалькі гадоў адсутнасць душавой была галоўнай праблемай для Куплінскай «хіміі».
«Дай Бог, каб дайшло да розуму. Як жа так, каб паўсотні мужыкоў ды без гарачай вады», - адзначыў Павел Севярынец.
Сустаршыня БХД Павал Севярынец адбывае 3 гады «хіміі» за ўдзел у падзеях 19 снежня 2010 года.