Брытанскія спецслужбы: Сноўдэн дапамог «Аль-Каідзе»

Апублікаваныя сакрэтныя звесткі паставілі пад пагрозу правядзенне спецаперацый.

Прадстаўнікі брытанскіх спецслужбаў заявілі, што адкрыцці былога супрацоўніка ЦРУ Эдварда Сноўдэна моцна ўскладнілі барацьбу з тэрарыстамі і паставілі пад пагрозу правядзенне шэрагу аперацый, піша «Комсомольская правда в Беларуси».

«Ворагі Велікабрытаніі паціраюць рукі ў лікаванні, - заявіў кіраўнік МІ 6 Джон Соерс. - Баявікі «Аль-Каіды» актыўна карыстаюцца гэтай інфармацыяй.

Кіраўнік брытанскай знешняй выведкі падкрэсліў, што лічыць безадказнай з боку кіраўніцтва газет публікацыю выкрыццяў «ад Сноўдэна» - бо спецслужбы прасілі СМІ гэтага не рабіць, перадае Reuters.

Нагадаем, імя Эдварда Сноўдэна стала вядома пасля таго, як ён апублікаваў сенсацыйныя матэрыялы ў брытанскіх СМІ, заявіўшы, што амерыканскія спецслужбы праслухоўваюць практычна ўвесь свет, а таксама сочаць за карыстальнікамі інтэрнэту.

Пасля такіх гучных выкрыццяў улады ЗША сталі пераследваць уцекача. Зараз выкрывальнік спецслужбаў знаходзіцца ў Расеі - Сноўдэн атрымаў у нашай краіне прытулак на год пасля доўгага знаходжання ў транзітнай зоне аэрапорта «Шарамеццева». Рашэнне Расеі даць прытулак збегламу экс-цэрэушніку расчаравала амерыканскі бок.