Зміцер Дашкевіч: Умовы ў турме на Акрэсціна пагоршыліся
22- 9.11.2013, 14:16
- 34,214
З ізалятара на Акрэсціна выйшаў былы палітвязень Зміцер Дашкевіч.
Ля турмы актывіста сустракалі больш за два дзясяткі чалавек, сябры з «Маладога фронту», журналісты. Міліцыянты сачылі за сустрэчай, але на гэты раз нікога не затрымлівалі.
Пра трое сутак на Акрэсціна Зміцер Дашкевіч сказаў, што здзіўлены пагаршэннем умоў у гэтай турме, у прыватнасці тым, што там пачалі эканоміць на харчаванні зняволеных:
«У дзень затрымання не кормяць і даводзілася дзяліць пайку», - сказаў ён «Радыё Свабода».
Зміцер Дашкевіч быў затрыманы апоўдні 6 лістапада падчас збору подпісаў за перайменаванне менскай вуліцы Леніна ў вуліцу Францысканскую. Суддзя Цэнтральнага суду Менску Валерый Есьман прысудзіў актывіста да 3 дзён арышту нібыта за непадпарадкаванне міліцыі. Дашкевіч кажа, што пратакол аб затрыманні быў сфальсіфікаваны.
Фота: Барыс Гарэцкі