Пуцін запрасіў Лукашэнку ў Сочы
45- 16.12.2013, 18:32
- 38,258
Бліжэйшымі днямі беларускі правадыр наведае перадалімпійскія Сочы.
Беларускі дыктатар і прэзідэнт Расеі Уладзімір Пуцін правялі тэлефонную размова, паведамляе прэс-служба Лукашэнкі.
«Аляксандр Лукашэнка і Уладзімір Пуцін напярэдадні запланаваных 24-25 снежня ў Маскве пасяджэнняў Вышэйшай Еўразійскай эканамічнай рады і Вышэйшай Дзяржаўнай рады «саюзнай дзяржавы» абмеркавалі парадак дня далейшых мерапрыемстваў», - адзначаюць у прэс-службе.
Падчас размовы кіраўнікі «прадметна спыніліся на тых пытаннях, аб якіх на самітах будуць прымацца пастановы. Падчас размовы былі закранутыя і актуальныя тэмы двухбаковых стасункаў».
Прэзідэнт Расеі Уладзімір Пуцін запрасіў Лукашэнку паглядзець алімпійскія аб'екты ў Сочы, а таксама гатоўнасць да правядзення зімовай Алімпіяды.
Паводле інфармацыі прэс-службы, Лукашэнка плануе бліжэйшымі днямі азнаёміцца з інфраструктурай Алімпійскіх гульняў у Сочы, а таксама праінспектаваць гатоўнасць беларускіх аб'ектаў да гэтай падзеі.