Ашмянскія пенсіянеры далі бой рабаўніку

Злачынца, які спрабаваў абрабаваць кватэру, спалохаўся пенсіянераў і ўцёк.

Выпадак адбыўся ў Ашмянскім раёне.

Зламыснік узламаў дзверы і ўвайшоў у кватэру 82-гадовага мясцовага жыхара. На галаве рабаўніка быў капюшон, а твар прыкрыты ручніком. Злачынца ўдарыў дзядулю ў грудзі і запатрабаваў грошы, піша «Вечерний Гродно».

Аднак не чакаў, што пенсіянер апынецца дома не адзін. Як раз незадоўга да таго, што адбылося, да яго зайшоў сябар. Разам яны з дапамогай падручных сродкаў сталі праганяць няпрошанага госця. Не чакаўшы такога, рабаўнік спалохаўся і ўцёк.

Пасля гэтага пацярпелы звярнуўся ў міліцыю. Праз некаторы час злачынец быў затрыманы. Ім аказаўся далёкі сваяк гаспадара кватэры. Па факце ўзбуджаная крымінальная справа па артыкуле 206 Крымінальнага кодэкса «Рабаванне».