Лукашэнка застанецца ў Расеі на тыдзень?
50- 20.12.2013, 18:13
- 39,293
25 снежня Лукашэнка і Пуцін сустрэнуцца ў Маскве.
Пра гэта паведамляе прэс-служба Крамля.
«Прэзідэнт Расеі Уладзімір Пуцін 25 снежня ў Маскве сумесна з дыктатарам Аляксандрам Лукашэнкам, які будзе знаходзіцца ў Расеі з рабочым візітам, возьме ўдзел у пасяджэнні вышэйшага дзяржаўнага савета (ВДС) саюзнай дзяржавы, паведамляе ў пятніцу прэс-служба Крамля.
Падчас асобнай размовы кіраўнікоў дзяржаў, а затым на пасяджэнні ВДС мяркуецца разгледзець асноўныя пытанні расейска-беларускага інтэграцыйнага супрацоўніцтва, перспектывы далейшага паглыблення гандлёва-эканамічных і культурна-гуманітарных сувязяў», - гаворыцца ў паведамленні прэс-службы.
Цяпер беларускі правадыр знаходзіцца ў Сочы. Пакуль невядома, ці вернецца ён у Беларусь да мерапрыемства ў Маскве.