Міхаіл Хадаркоўскі: Думаю пра тых, хто яшчэ знаходзіцца ў турме

Былы кіраўнік ЮКАСа падзякаваў усім, хто аказваў падтрымку яму і яго сям'і падчас арышту.

Пра гэта Міхаіл Хадаркоўскі напісаў у сваёй заяве, тэкст якой апублікавала на сваёй старонцы ў сацыяльнай сетцы «Фэйсбук» яго прэс-сакратар Куле Піспанен. Прыводзім яго тэкст цалкам.

«Дарагія сябры!

12 лістапада я звярнуўся да прэзідэнта Расеі з просьбай аб памілаванні ў сувязі з сямейнымі абставінамі і рады станоўчаму вырашэнню.

Аб прызнанні віны пытанне не ставілася.

Я хацеў бы падзякаваць усім, хто сочыць усе гэтыя гады за справай ЮКАСа, і за тую падтрымку, якую вы аказвалі мне, маёй сям'і і ўсім, хто быў несправядліва асуджаны і да гэтага часу падвяргаецца пераследу. Я вельмі чакаю хвіліны, калі я змагу абняць маіх блізкіх і асабіста паціснуць руку ўсім маім сябрам і калегам.

Я ўвесь час думаю пра тых, хто яшчэ знаходзіцца ў турме.

Я асобна дзякую спадару Гансу Дзітрыху Геншэру за яго асабісты ўдзел у маім лёсе.

Перш за ўсё, я думаю аддаць мае даўгі маім бацькам, маёй жонцы, маім дзецям і вельмі чакаю сустрэчы з імі.

Чакаю магчымасці адсвяткаваць надыходзячыя святы разам з сям'ёй. Я жадаю ўсім шчаслівых Калядаў і Новага года».

Міхаіл Хадаркоўскі».

Указ аб вызваленні апальнага бізнэсоўца быў падпісаны Пуціным. Экс-кіраўнік ЮКАСа амаль адразу пасля паведамлення аб памілаванні пакінуў тэрыторыю калоніі N7 у карэльскім горадзе Сегежа. Прыкладна а 12:20 паводле маскоўскага часу Міхаіл Хадаркоўскі выехаў з калоніі. Пасля вызвалення ён вылецеў у Нямеччыну, дзе праходзіць лячэнне яго маці.

Фота: ria.ru