Беларусь выплаціла МВФ $84 мільёны

Казна пазбавілася буйной сумы, выконваючы абавязацельствы паводле крэдыту.

Беларусь выканала свае абавязацельствы паводле крэдыту стэнд-бай МВФ, выплаціўшы 84,3 мільёны даляраў, паведамляе БелТА.

Праграма стэнд-бай, падтрыманая крэдытам МВФ на 3,5 мільярды даляраў, была рэалізаваная ў перыяд са студзеня 2009 па красавік 2010 года. Гэта дазволіла краіне забяспечыць станоўчую дынаміку ў шэрагу пазіцый у эканоміцы і грашова-крэдытнай сферы. На 2013 год прыпадае пік выплат крэдыта. Папярэдняе пагашэнне адбылося 23 кастрычніка, тады рэспубліка выплаціла прыкладна тую ж суму: 84,4 мільёны даляраў.

З 1992 да 2008 года Беларусь двойчы выкарыстоўвала фінансавыя рэсурсы МВФ: па лініі фонду сістэмных трансфармацый - 217,2 мільёны даляраў і па механізме стэнд-бай - 77.4 млн даляраў. У лютым 2005 года Беларусь цалкам выплаціла названыя крэдыты МВФ.

Дзейнасць МВФ у Беларусі накіраваная на супрацоўніцтва з урадам і Нацыянальным банкам пры падрыхтоўцы праграм эканамічнай палітыкі з акцэнтам на падаткова-бюджэтную і грашова-крэдытную палітыку, абменны курс і гандлёвую палітыку з мэтай дасягнення значнага эканамічнага росту, нізкай інфляцыі і ўстойлівасці плацёжнага балансу.