МЗС яшчэ не знайшоў новага прэс-сакратара

Хто стане новым прэс-сакратаром Міністэрства замежных спраў Беларусі, пакуль невядома.

Як паведамлялася, Лукашэнка 3 снежня прызначыў прэс-сакратара МЗС Андрэя Савіных паслом у Турцыю і Ірак сумяшчальна.

Як паведаміла БелаПАН намесніца кіраўніка прэс-службы МЗС Марыя Ваньшына, кандыдатура новага прэс-сакратара ў цяпер узгадняецца. Імёны магчымых кандыдатаў на гэтую пасаду ў міністэрстве не называюць.

Пасаду прэс-сакратара замежнапалітычнай установы Беларусі Андрэй Савіных займаў двойчы - з сакавіка 2003 года да лютага 2005 года і з красавіка 2010 года дагэтуль. У перапынку паміж працай на гэтай пасадзе Савіных быў намеснікам сталага прадстаўніка Рэспублікі Беларусь пры ААН і іншых міжнародных арганізацыях у Жэневе.