2 верасня 2015, Серада, 7:25

Анатоль Лябедзька: Справа Васільева выявіла наяўнасць валютнага спецфонду КДБ

12

Менавіта з яго вылучаліся 250 тысяч даляраў для «хабару» сталічнаму чыноўніку.

Пра гэта ў сваім акаўнце ў сацыяльнай сетцы «Фэйсбук» напісаў палітык Анатоль Лябедзька.

«Справа Васільева выявіла наяўнасць валютнага спецфонду КДБ. Менавіта з яго вылучаліся 250 тысяч даляраў для «хабару» сталічнаму чыноўніку. Нельга выключаць, што гэты фонд часткова фінансуецца за кошт канфіскацый, а, калі па простаму, то - крадзяжоў грошай супрацоўнікамі КДБ у апазіцыйна настроеных грамадзянаў.

Можа пасля завяршэння суда над Васільевым і вяртання даляравага доказу ў Спецфонд камітэт верне грошы і рэчы, якія належаць мне. Ці трэба яшчэ каму з чыноўнікаў прапанаваць новы хабар?» - пытаецца палітык.

Нагадаем, супрацоўнікі спецслужбаў неаднаразова канфіскоўвалі грашовыя сродкі ў актывістаў апазіцыі падчас ператрусаў і надглядаў. Як правіла, іх адмаўляліся вяртаць уладальнікам па надуманых прычынах.

Ігар Васільеў, намеснік старшыні менскага гарвыканкама Мікалая Ладуцькі, быў учора асуджаны на 14 гадоў пазбаўлення волі.

падзяліцца